Мали и тесни базени за мали простори

Сезоната на отворено е почната, а времето е жешко и луѓето сонуваат да се опуштат во базен каде ќе се нурнат по напорниот работен ден. Често се случува дворот или градината или кој било друг простор на отворено да е мал и да изгледа дека нема можност да се смести базен. Не се вознемирувајте, можете да направите тесен базен.

Тесните базени во градината, долж куќата се одлична идеја за топлите летни денови. Можат да бидат мали и тесни – само колку во нив да нурне едно или две лица.

Ако просторот во вашиот двор е мал, а сакате да поставите лежалки и простор за трпезарија, лесно можете да направите мал и тесен базен. Може да се обложи со камен, бетон, плочки и други облоги, до него може да има камен, тула, дрвена патека. Дворот може да биде обоен целосно  бело, со некои пустински растенија и мал базен за капење во него. За да го направите базенот поприватен, направете ѕид со зеленило од едната страна – на овој начин ќе се чувствувате како да пливате во природно опкружување и ќе се скриете од очите на соседите. За да го направите базенот попривлечен, користете внатрешни светла или само LED ленти по должината.