Магичен хотел од камен обвиткан во билки

Во северна Патагонија, во Чиле, се наоѓа биолошкиот резерват Huilo Huilo каде туристите може да се сместат во хотелот во вид на магична шумска колиба. Овој хотел е изграден од камен, а прозорците се обраснати со бујна вегетација. Од зелениот покрив се слеват млазеви вода за наводнување на вегетацијата на фасадата.

Хотелот е проектиран по древната легенда која вели дека во таа област постои магична планина која исполнува желби. За изградба на хотелот се користени локални материјали како камен и дрво. Резерватот Huilo Huilo се протега на површина од 600 km², и посветен е на зачувување на биодиверзитетот и дивите животни кои живеат на тоа подрачје.

Релативно неистражениот регион привлекува бројни туристи кои сакаат да го доживеат едно од најдивите места на светот.