Лего слави 85 години Бетмен со нов Готам сет

Лего и Warner Bros се здружија за да прослават 85 години од Мрачниот витез со комплет што го реконструира Готам Сити каков што сме го виделе во анимираната серија Бетмен.

Бетмен е и секогаш ќе биде еден од најпознатите суперхерои во светот, а оваа година цртаниот филм за бранителот на Готам Сити полни 85 години и како еден од ликовите кои инспирирале различни сетови низ историјата, Лего не можеше да го пропушти овој настан.

Така, во соработка со компанијата Warner Bros. Discovery Global Consumer Products претстави нов сет кој го рекреира опасниот и вознемирувачки град на Бетмен: The Animated Series, а дефинитивно љубителите на Лего ќе сакаат да го додададат во својата колекција.

Новиот сет е сон на секој обожавател на Мрачниот витез, како тродимензионална креација на хоризонтот на Готам како што се гледа во цртаниот филм објавен во 1992. година. Со вкупно 4.210 коцки и висина од 41,6 сантиметри, комплетот е импресивен, а вниманието на деталите навлегуваат во секој агол, додека секоја кула и зграда прецизно ги рекреираат иконичните локации од анимираната серија Бетмен.

Сетот исто така е полн со саканите ликови кои го населуваат Готам Сити, како што се Жената мачка, Џокер, Харли Квин и секако Бетмен. Покрај тоа, делови од сетот се отвораат и имаат интерактивни функции кои откриваат повеќе детали внатре и навистина прават да се чувствувате како еден од жителите на градот или дури и самиот суперхерој.