Ламби што помагаат на растенијата да растат и во соба без прозорци

Ламбата именувана Mygdal Plantlamp им овозможува на растенијата да растат во неа, без вода и сончева светлина.

Дизајнерското дуо Emilia Lucht и Arne Sebrantke, сопственици на германското студио We Love Eames, водени од љубовта кон природата, се креатори на оваа ламба која ја има и како висечка и како столна, и во двете верзии се наоѓа мало растение.

Ламбите се направени рачно, од стаклен меур со помош на дувалки, кој потоа оди во калап. По правењето на стаклениот дел на ламбата, во неа се поставува ЛЕД осветлување, кое на растенијата му обезбедува светлина.

Столната ламба е малку поинаку конструирана од висечката. Нејзиното стакло има премаз кој ја спроведува електричната енергија до ЛЕД осветлувањето, пишува Contemporist.

Осветлувањето функционира како одржлив систем, а од We Love Eames тврдат дека растенијата во овие ламби може непречено да растат со години.