Комплексот „Српско село“ ќе ја претстави селската архитектура на цела Србија

Во склоп на единствениот комплекс „Српско село“ во Косјериќ, на едно место ќе биде претставена традиционалната селска архитектура од Војводина до југот на Србија. Во изградбата на комплексот учествуваат и градежни работници од Турција. За реализација на овој проект едногласно биле сите општински одборници, што на овие простори ретко се случува. Имено, проектот е прогласен за стратешки важен за Косјериќ. Иако според општинската управа, досега се постигнати значајни резултати во туристичката понуда на ова место, се очекува драматичен позитивен исчекор со изградбата на комплексот, кој е единствен од ваков вид на Балканот.