Комплекс на згради во сите нијанси на сино

Боите на езерото и брановите на водата ги обликуваат куќите налик на камен, проектирани од архитектот Марко Казамонти.

Овој комплекс се наоѓа на брегот на езерото Маџоре, кое се наоѓа на јужната страна на Алпите.

Проектот, со поглед на постојното урбано ткиво формирано од шаблоните на шаховската табла, дворните згради и изолираните куќи, има за цел да создаде сосема нов и поинаков урбан амбиент. Гледано во целина, зградите имаат облик на камења издлабени покрај езеро. Така исечени и обликувани, дополнително се украсени и покриени со употреба на гранит и сина лавено керамика.

Дваесет и шест станбени единици, со големина од 50 до 130 метри квадратни, зафаќаат вкупна површина од 2.400 метри квадратни. Она што е најспецифично за овој комплекс е секако неговата скулптурална форма и хроматскиот преплавен (и речиси пластичен) изглед, кој е во директен дијалог со нијансите на небото и езерата кои се рефлектираат во него.

Слободно може да се каже дека овој проект е еден вид омаж на таа непогрешлива сина боја. Во овој случај, керамиката е направена специјално за проект кој бара повеќе од една година истражување и шест месеци тестирање пред да се постигне сертифициран производ.

Благодарение на таа напорна работа, сега има уникатни седум нијанси на бои добиени со занаетчиски емајлиран финиш. А благодарение на паметно дизајнираните идеи, каде што порано постоела индустриската зона, сега има станбен комплекс со зеленило и футуристички дизајн.