„Климатското затоплување нa Балканот: Каква преобразба за градовите?“ – онлајн дебата

Во организација на Францускиот институт во Скопје и организацијата за заштита на животната средина Go Green, на 10-ти декември во периодот од 18.00 до 20.00 часот ќе се одржи онлајн дебата насловена: „Климатското затоплување нa Балканот: Каква преобразба за градовите?“. Настанот ќе с ереализира со посредство на Zoom платформата, а воведно обраќање ќе има Н.Е г-дин Сирил Бомгартнер, Амбасадор на Франција. Ќе учествуваат еминентни македонски и француски експерти, а обезбеден е симултан превод. Планирано е да се одржат два панели на следните теми: проблемите со јавниот превоз и греењето во урбаните средини. Подетално за програмата и учесниците погледајте на следниот ЛИНК. Регистрацијата се врши преку мејлот culture@ifs.mk.