Кинеска инвестиција од 600 милиони евра во најголемото грчко пристаниште

Кина и Грција се договорија да продолжат со реализација на 600 милиони евра вредната инвестиција на кинеската компанија Kosko во најголемото грчко пристаниште Пиреја.

Спогодбата е дел од вкупно 16-те билатерални трговски договори кои ќе бидат потпишани помеѓу Кина и Грција. Овие две земји се доближија во 2009 година кога Kosko доби 35-годишна концесија за модернизација и управување со контејнерскиот дел од работењето на пристаништето во Пиреја. Во 2016 година, Kosko го купи мнозинскиот дел (51%) од акциите во пристаништето Пиреја. Кинеската компанија планира да го претвори ова пристаниште во најголемо комерцијално пристаниште во Европа, и за тоа ќе потроши 600 милиони евра. Овој износ опфаќа и задолжителни инвестиции од 300 милиони евра до 2022 година, со што Kosko ќе превземе дополнителни 16% од акциите. Меѓутоа, отпорот од локалните заедници ја натера Грција минатиот месец да ги отфрли плановите на Kosko за изградба на нов контејнерски терминал, под изговор дека “условите сеуште не се созреани“.