Камена куќа изолирана од остатокот на светот

Романтична куќа, наменета првенствено за младенци, се наоѓа на полуостровот Банкс во Нов Зеланд.

Куќата скриена на морскиот брег, изолирана од остатокот на светот, проектирана е од архитектонското биро Patterson Associates од Окленд. За изградба на куќата избрале локален материјал, пред се камен кој се добива недалеку од куќата. Од другите материјали, тука се и дрво, како и неизбежен (и не толку романтичен) бетон.

Куќата е делумно вкопана во теренот, што дополнително придонело за зголемување на приватноста. Пред куќата се наоѓа мала плажа, се разбира приватна. Објектот е свртен кон океанот, но е речиси целосно заштитена од патот кој води до блиската населба.

Основата на куќата е испреплетена геометрија која одговара на блиските погледи на заливот и далечните погледи кон Rocky Spires.

Оваа вила има само три простории. Првата е ходникот од кој се влегува во дневно-спалната зона, а третата е бањата во која светларникот поставен над кадата пружа доволно дневна светлина.

Бидејќи куќата е изолирана од цивилизацијата, проектот вклучувал и работа на одредени системи за да биде куќата самоодржлива. Ова подразбирало организирање на снабдување со вода за пиење и третман на отпадни води. Исто така направен е и обемен проект за пошумување и ревегетација.