Каде завршува отпадот од ЕУ?

Во 2020 година, извозот на отпад од Европската унија во земјите кои не се членки на ЕУ, достигнал 32,7 милиони тони. Како што покажуваат податоците на Eurostat, тоа е зголемување од 75% во однос на 2004 година. Од друга страна, увозот на отпад од земјите кои не се членки на ЕУ се намалил за 10% во споредба со нивото од 2004 година. Турција е главна дестинација за отпадот извезен од ЕУ, со 13,7 милиони тони во текот на минатата година, што е повеќе од три пати во споредба со 2004 година. Втора е Индија, каде лани завршиле речиси 2,9 милиони тони отпад од ЕУ. Следи Велика Британија со 1,8 милиони тони, Норвешка со 1,5 милиони тони, Индонезија и Пакистан со по 1,4 милиони тони. Интересно е дека извозот на отпадот од ЕУ во Кина забележува драстичен пад – од 10,1 милиони тони во 2009 година, на само 0,6 милиони тони во 2020 година.

Во 2020 година, 53% од вкупно извезениот отпад од ЕУ претставува отпад од челик и железо. И за овој вид отпад главна дестинација е Турција која во 2020 примила 2/3 од овој вид отпад од ЕУ.