Насловна / Архитектура / Италијанскиот павилјон на Дубаи Експо 2020 од три трупови на чамци и мултимедијална фасада

Италијанскиот павилјон на Дубаи Експо 2020 од три трупови на чамци и мултимедијална фасада

Бирото Carlo Ratti Associati со седиште во Торино, Италија и канцеларии во Њујорк и Лондон е автор на Италијанскиот павилјон кој истражува реконфигурирачка архитектура и кружност на Експо Дубаи 2020.

0_resize

Проектиран од Carlo Ratti Associati – CRA- и Italo Rota Building Office, со Matteo Gatto и F&M Ingegneria, павилјонот се состои од три трупови на чамци кои го прават покривот на структурата и мултимедијална фасада изработена од два милиони рециклирани пластични шишиња, а користи и нови видови на градежни материјали од алги и талог од кафе до кори од портокали и песок. Павилјонот има и напреден, природен систем за ублажување на климата кој заменува климатизација.

1_resize

Тимот го сврте вниманието на концептот на „повторна употреба“, кој е исто така фундаментален за начинот на конципирање на структурата. Покривот на павилјонот составен од три трупови на чамци со вистинска големина, потенцијално би можеле да испловат по настанот.

2_resize

4_resize

Зафаќајќи површина од 3.500 квадратни метри, павилјонот е отворен за јавноста до 31 март 2022 година, до крајот на Експо 2020.

„Нашиот проект за Италијанскиот павилјон се занимава со она за кое верувам дека е најважниот предизвик на архитектурата денес: унапредување на двојната конвергенција помеѓу природното и вештачкото. Ги предвидува проблемите и предлага стратегии кои ќе бидат се поважни за иднината на нашите градови, додека се занимаваме со последиците од тековната климатска криза“, изјави Carlo Ratti, основач партнер во CRA и директор на лабораторијата MIT Senseable City на Технолошкиот институт во Масачусетс (MIT).

6_resize

8_resize

„Павилјонот постојано мутира во различни форми. Зборува за реконфигурабилноста и долгорочно, поради својата кружност и на краток рок, благодарение на употребата на дигитални технологии”, додаде Ratti.

Италијанскиот павилјон предвидува архитектура која го доведува во прашање начинот на кој обично се развиваат зградите за привремени настани, како што е Светската изложба, на која многу новоизградени објекти завршуваат како депонија по само неколку месеци.

5_resize

Како што нагласува тимот, „спротивно на тој пристап, Италијанскиот павилјон е замислен како архитектура која може да се трансформира низ времето на одржлив начин“.

Три трупа на чамци пристигнати во Дубаи, станаа кров на павилјонот, а по Експо тие можат да отпловат кон нови дестинации. Труповите исто така, се однесува на историските врски помеѓу Апенинскиот и Арапскиот Полуостров, наговестувајќи ги на тој начин темите на учеството на Италија на Експо, „Убавината ги поврзува луѓето“ и поврзувајќи се со темата на Експо Дубаи 2020 „Поврзувајќи ги умовите, создаваме иднина“.

15_resize

10_resize

Трите трупови на чамци кои го формираат кровот варираат во должина од 40 до 50 метри. Тие беа произведени со придонес на Fincantieri, најголемата бродоградба во Европа.

Труповите се носат со повеќе од 150 челични столбови, секој висок 27 метри. За возврат, поддржуваат кровна мембрана во облик на бран направена од ETFE перници и слој перфорирани тенки лимови кои ја филтрираат сончевата светлина. Гледано одозгора, труповите се обложени со иновативна боја развиена од компанијата за бои и премази Gruppo Boero. Тие се трите бои на италијанското знаме – зелена, бела и црвена – и формираат она што би можело да биде најголемата „тробојка“ во историјата на Италија (2100 квадратни метри).

17_resize

Павилјонот нема конвенционални sидови, наместо тоа тимот создал фасадна завеса изработена од наутичко јаже, која вклучува и LED диоди кои кога ќе се запалат ја трансформира фасадата во мултимедијална површина, која го исцртува изложбениот простор.

16_resize

Наутичките јажиња се изработени од рециклирана пластика и формираат сложена вертикална мрежа кој се протега во должина од речиси 70 километри. Тимот објасни дека „по затворање на Експо, тие повторно ќе се користат, во согласност со логиката на кружната економија“.

14_resize

„Употребата на наутички јажиња и локализиран систем за ладење интегрирани со замаглување овозможуваат екстензивно засенчување, природна вентилација и подобра топлинска удобност. Проектот се стреми да покаже поодржливи начини за ладење на нашите згради и градови во иднина.“

„Италијанскиот павилјон има големи димензии и многу софистицирана структура, но повеќе од архитектура во канонска смисла, тоа е голема експериментална инсталација фокусирана на се повеќе замаглените граници помеѓу природното и вештачкото. Неговата конструкција е подеднакво инспирирана од природните биотипови и најнапредните технологии кои произлегуваат од вселенските истражување“, рече Italo Rota, основач на истоимената градежна компанија и додава: „Од една страна, зградата се угледува на организацијата на тропските шуми, каде што светлината се филтрира низ високите крошни и животот се организира соодветно. Од друга страна, клучна тема е производството на неоматеријали: нови градежни материјали кои имаат органско и биолошко потекло, чие технолошко производство не се заменува со рециклирање “.

7_resize

Посетителите влегуваат во Италијанскиот павилјон преку ескалатор кој ги носи на висина од 11 метри, веднаш под првиот труп на чамецот.

Од оваа панорамска точка, може да се набљудува целиот павилјон од патека која лебди над изложбените простори и инсталации. Меѓу главните просторни карактеристики се Белведере, кружна структура на врвот на купола, покриена со диви медитерански растенија, што евоцира ренесансни градини.

11_resize

Патеката, исто така, вклучува иновативен простор посветен на технолошките истражувања, дигитални инсталации, вклучувајќи и 3Д печатена копија од Давид на Микеланџело. На приземјето се наоѓа „Соларна градина за кафе“ на водечката компанија за кафе Lavazza.

12_resize

9_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top