Насловна / Вести / Истражувања на археолошкиот локалитет Мрдаја, на брегот на Дојранско Езеро

Истражувања на археолошкиот локалитет Мрдаја, на брегот на Дојранско Езеро

mrdaja_arheo_1

Во тек се истражувањата на археолошкиот локалитет Мрдаја, на брегот на Дојранско Езеро, кој беше откриен во 2012 година при градежните работи за проширување на градската плажа во Стар Дојран. Археолошките активности се одвиваат во континуитет, трета година по ред, и се поддржани од Министерството за култура на Република Македонија.

Носител на проектот е НУ Завод за заштита на спомениците на културата и музеј – Струмица, во соработка со НУ Музеј – Гевгелија.
Богатиот археолошки движен и недвижен материјал е со хронолошка припадност во доцнобронзеното време и преодот кон железното време. Во таа смисла, досега се откриени 54 колци од палафитна населба и изработки од бронза (ножеви, српови, јадици, како и една секира), цели или фрагментирани делови од керамички садови со карактеристична мат-обоена декорација и специфичните амфоровидни садови богато украсени со врежување. mrdaja_arheo_3

Евидентирани се и фрагменти од керамички садови за секојдневна употреба и складирање на прехранбени продукти.
Сиве овие наоди упатуваат на припадност на долновардарскиот културен круг, со временска определба во периодот од XIII до XI век пред Христа.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top