Порта3 – градежништво, архитектура и екологија Порта3 – градежништво, архитектура и екологија
На највисоката точка на планините во Камник, Словенија архитектонското студио Ofis во соработка со студентите по дизајн од универзитетот Харвард проектираа планинско засолниште. Иновативното и практичното засолниште е наменето за екстремните алпинисти и планинари и претставува симбол на основната човечка потреба-да се засолни. Во студентското студио наречено ,,Живеалиште во екстремни услови” најдобар дизајн понудиле студентите Frederick Kim, Katie MacDonald и Erin Pellegrino, чиј што проект подоцна го завршува љубљанското архитектонско студио. Главниот продукт е објект кој што има минимално влијание врз околината, отпорен е на временските услови и е целосно вклопен во карпестиот предел.
