Почна соларниот десетобој

Шпанија: Европскиот соларен десетобој започна во Мадрид. Годинава седумнаесет тимови ширум светот се борат во центарот на градот за титулата најефикасна соларна еколошка куќа на овој натпревар која за прв пат се одржува во Европа.

Како и на натпреварот во Вашингтон, тимовите ќе бидат оценувани врз основа на нивната способност да го минимизираат користењето на енергијата, иновативната архитектура и инженерство, одржливоста итн.
Тимовите од различни земји од светот допатуваа во Мадрид со нивните соларни монтажни куќи. До сега плановите и дизајнот на куќите беа инспиративни и многу креативни, но само вистинските тестови на карактеристиките ќе го откријат победникот, јавува „Inhabitat“.