Најголемо градилиште во светот – Проширување на Панамскиот канал

Проширувањето на Панамскиот канал е проект на векот, кој, според
предвидените проценки, ќе чини околу 5,5 милијарди долари и ќе заврши во
2014 година. Новиот канал што се гради паралено со стариот ќе биде долг
80 километри, длабок 15 метри, а низ него ќе поминуваат бродови широки
до 49 метри.

 

 За да можат бродовите да ја совладаат висинската разлика од околу 26 метри и да го поминат Панамскиот канал, се градат три брани во низа и секоја од нив е долга по 403 метри, а широка 55 метри.

После една година градење се постигнати импресивни резултати. Повеќе од 4.200 работници работат секој ден во две смени и вградуваат дневно повеќе од 6.300 метри кубни бетон, така правејќи го ова градилиште најголемо во светот. На градилиштето се поставени 70 жичарници и 30 пумпи за бетон, а опремата за скеле ја обезбедува компанијата "Пери".