Насловна / Вести / И тенискиот турнир Вимблдон тргнува во борба против пластиката

И тенискиот турнир Вимблдон тргнува во борба против пластиката

Тенискиот турнир Вимблдон е најстариот, и според многумина најугледниот грен слем турнир. Се одржува уште од 1877 година во Лондон.

wimbledon3

Во текот на 2018 година оваа двонеделна манифестација ја посетиле над 470.000 луѓе. Но, огромниот број на гледачи зад себе остава и огромна количина на отпад. Иако и во минатата година најголем дел од отпадот не завршил на депонија, туку бил искористен за рециклирање и производство на енергија, организаторите одлучиле оваа година да одат чекор понатаму. Имено, фокусот е ставен нa превенцијата во генерирањето отпад и селекцијата на отпадот.

Флашираната вода, наменета за продажба на Вимблдон, ќе се пакува во амбалажа направена во целост од рециклирани суровини со можност за понатамошна рециклажа. Производителот на вода Evian, кој е еден од спонзорите на турнирот, очекува да продаде околу 420.000 шишиња вода. На слични правила подлежат и приборот и садовите за јадење.

wimbledon1

Со цел да ја демонстрира својата волја за намалување на еколошкиот отпечаток, турнирот Вимблдон неодамна се приклучи на иницијативата на Обединетите Нации за климатска акција во областа на спортот.

wimbledon2

 

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top