Насловна / Вести / Храна, вино и прекрасен ентериер на хотелот Palazzo Margherita

Храна, вино и прекрасен ентериер на хотелот Palazzo Margherita

Хотелот Palazzo Margherita се наоѓа во Берналди, мало гратче на југот на Италија и дефинитивно припаѓа на оние места кои едноставно мора да се почувствуваат со сите сетила.

hotel

Станува збор за вистинска палата од 19 век, изградена во 1892 година од семејството Маргарита, а неодамна целосно реновиран од познатиот режисер Френсис Форд Копола во соработка со францускиот дизајнер Жак Гранж. Копола го купи Palazzo Margherita во 2004 година со желба да го трансформира во мал луксузен италијански бутик хотел, верувајќи дека е време да ги запознае посетителите со овој зачудувачки и се уште неоткриен регион.

hotel1

Благодарение на овој необичен тим, местото со посебен историски дух е претворено во луксузно, автентично италијанско искуство кое ги воведува гостите во светот на луксузната удобност. Хотелот е опкружен со градини, двор и базен, а се наоѓа на само неколку чекори од мало, прометно гратче каде посетителот е пријател и сосед, а не турист.

hotel2

Френсис сонувал да го направи Palazzo Margherita место кое неговите деца би сакале да го посетуваат повторно и повторно, и затоа го покани целото семејство да придонесе со дизајнерски идеи. Токму ова „чувство за семејство“ го прави Palazzo Margherita еден од најшармантните мали луксузни хотели во Италија.

hotel3

Внатрешноста на хотелот е стилизирана со подови со плочки, како и фантастични рачно насликани фрески. Исто така, важно е да се спомене дека Гранж дизајнираше некои од егзотичните плочки и мебелот, вклучувајќи го и еден од најубавите апартмани во северноафрикански стил посветен на бабата на Копола, по потекло од Тунис.

hotel4

hotel5

hotel6

hotel7

hotel8

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top