Хотел на Санторини со соби во бело обоени пештери

Грчкото биро Kapsimalis Architects претвори неколку поранешни домови, плевни и визби на островот Санторини во хотел со соби во пештери.

Сместен меѓу низа од згради што го формираат работ на селото Оди, хотелот Saint Hotel се спушта на карпа покрај морето.

Секое ниво има непречен поглед кон вулканскиот залив на островот, со соби вкопани во стрмниот рид.

Шеснаесет соби излегуваат на приватни тераси со базени и лежалки, разделени со бели ѕидови.

Собите, заедно со базените, ресторанот, спа и теретаната, поврзани се преку централни бетонски скали што кривулесто се протегаат низ локацијата.

Шест од овие хотелски соби се наоѓаат во оригинални и реставрирани структури, додека останатите простори се сите новопроектирани.

Бидејќи зградите заземаат значителен дел од урбаното ткиво на селото, Kapsimalis Architects сакале да го направат проектот аналогно на симпатичните традиционални улички и архитектонски форми на ова подрачје, но користеле нови материјали.

„Техниките што се користат се синтетички, во смисла на интеграција на новиот хотелски комплекс во старото урбано ткиво и вулканскиот пејзаж“, изјави за Dezeen основачот Alexandros Kapsimalis.

„Ова ги вклучуваше структурите на зградата, геометриските форми, човечкиот размер, изборот на материјали, текстурите, бојата и современа функционалност на хотелот“.

Оригиналниот облик на просторите на пештерите е задржан, заедно со препознатливата бела боја на зградите.

Новите коси ѕидови ги следат природните контури на локацијата на Saint Hotel, насочувајќи го погледот кон морето.

Поврзувајќи се директно со селото преку рецепцијата, степените на приватност за гостите се суптилно посредувани од косите ѕидови.

Просторите како улички додаваат приватност и ги поврзуваат терасите и спалните соби.

„Поради тоа што границите меѓу хотелскиот простор и старото урбано ткиво не се толку јасно одредени, интеракцијата на гостите на хотелот, посетителите на селото и жителите е извесна“, вели Kapsimalis: „Како и да е,  дизајнот и функцијата на хотелот можат да им понуди приватност на своите гости, во случај да се потребни мир и изолација“.

Ентериерите на собите на Saint Hotel целосно одговараат на белите екстериери, со мазни ѕидови на пештерите, завршно обработени со бел малтер за соби украсени со строги и минималистички елементи.

Парчиња аморфен мебел ги населуваат просторите, како што се гарнитури за седење со капаци со шарки и кружни сунцобрани кои можат да бидат под агол и да се ротираат.