HAOS Coworking во срцето на Белград

Coworking е деловен простор,канцеларија, но за разлика од типичните, луѓето кои работат во него не се дел од една фирма, туку сите работат независно, без разлика дали како пединци или тимови.

HAOS Coworking, деловен простор од 600 квадратни метри најавен е како прв ваков простор во Србија, а мисијата на проектот е создавање глобална стартап заедница за поврзување луѓе и креирање најнови иновативни производи. HAOS Coworking се наоѓа во деловна зграда во центарот на Белград, а за ентериерот било задолжено бирото FREYA Architects.

ПОВРЗУВАЊЕТО КАКО СУШТИНСКА ИНСПИРАЦИЈА

Како што објаснуваатархитектите од FREYA Architects, поврзувањето на луѓето било суштинска инспирација за архитектите.

„Секој дел од coworking мора да биде безбедно и убаво место за разговор, средба или вмрежување“, велат архитектите.

Распоредот има неколку делови: простор за прием со кафе-барот „Валентина и Каранфил“, два заеднички простори со големи дрвени маси, голем салон, три зони на отворен простор, две сали за состаноци и една трансформативна просторија за неформални настани.

Најдеталниот и најуреден дел е салонот – овде може да де види мешавина на бои од главните брендови, неколку текстури како сомот, памук и теписи, голема портокалова подна ламба, неонски ѕиден натпис и многу зеленило.

Капацитетот на овој простор е 35 до 45 луѓе. Во ходникот покрај ѕидот е долга клупа како кафуле со маси каде што може  да се работи сам покрај погледот од прозорецот. Целата должина на салонот е застаклена, со поглед на старите ќерамиди на белградските куќи.

ЧУВСТВО НА ЧИСТОТА И УДОБНОСТ

Отворените простори се дизајнирани поконцизно. Овде, акцентот е на фокусираната работа на  тимот, бидејќи целиот отворен простор е поделен помеѓу различни стартапи.

Масите со дрвени плочи и беж работни столчиња создаваат чувство на чистота и удобност.

Стаклените прегради во просториите за состаноци целосно го отвораат погледот на coworking и погледот од прозорецот.

Поради ова доаѓа до целосно навлегување уште повеќе природна светлина.

СИТЕ ДЕТАЛИ ОКОЛУ ТРИ МАСИВНИ БЛОКОВИ

Проектот ги користи трите главни бои на брендот: пистачо, лосос и беж. Трите технички блокови во канцеларијата се обоени секој во својата боја со хоризонтална поделба на две нијанси – потемна и посветла.

„Композициски, овој метод ги собира сите детали околу три масивни блокови и создава хармоничен ентериер“, велат од  FREYA Architects.