Грчка православна црква во рамките на Светскиот трговски центар во Њујорк

Познатиот шпански архитект Сантијаго Калатрава стои зад проектот на новата црква која ќе биде изградена во рамките на Светскиот трговски центар во Њујорк.
Во меморијалниот парк посветен на трагичните настани од 2001 година, кога се срушени кулите близначки, почна изградбата на црквата „Свети Никола“, чиј дизајн е инспириран од познатата Аја Софија и црквата Хора во Истанбул. Црквата ќе биде изградена на местото на поранешниот објект од 19 век, а кој е уништен од остатоците што паѓале од Светскиот трговски центар.

Конструктивниот дел на црквата ќе биде поплочен со мермер додека куполата и останатите ѕидови ќе бидат направени од транспарентен материјал кој ќе овозможи влегување на светлината, создавајќи ефект на илуминација.
Грчката православна црква бара донација од 20 милиони долари за реализација на овој проект.