Градинка во која децата истражуваат и ја користат природата

Оваа градинка, проект на јапонското биро HIBINOSEKKEI која прима најмногу 117 деца, е изградена во Fuji Yoshida, Јапонија. Локацијата е богата со природа, со езера и дрвја. Со образовната политика на сопственикот „Играјте максимално во природата на Fuji Yoshida, на дожд или снег, дури и да се покриете со кал“, проектот ја искористил природата каде децата можат удобно да престојуваат на место богато со зеленило.

За да се искористи постоечката околина на локацијата, основата на објектот ги избегнува постоечките дрвја. Ископаната земја од изградбата се обработува на лице место во склад со животната средина, што исто така ги намалува трошоците. Со користењето на ископана земја создаден е нерамен рид во аголот на локацијата што се користи како место за детско истражување, трансформирањето на локацијата е место каде децата можат да учат, додека повторно се користи земјата што била на локацијата.

Резервоарите за вода се обликувани како базен наместо да бидат закопани во земја за да можат децата да играат и да учат. Тие можат да се користат во многу прилики, како што се набљудување дожд, бранување на водата и динамично трчање наоколу, што ги поттикнува децата активно да создаваат игра користејќи ја природата.

Зградата е проектирана да биде како истражување на шума, со нерамни патеки и простор за игра во кружни правци со висинаска разлика што им овозможува на децата да учат и откриваат. Агол за сликовници, тобоган и просторот за игра, кои се вдлабнати во ѕидовите, ја поттикнуваат љубопитноста на децата како да се во пештера.

На вториот кат, за да се создаде отворен простор како околината на локацијата, собите се одвоени со ѕидови кои не одат до таванот и тоа прави децата да се чувствуваат како да се во шума со колиби. Ѕидовите се неуедначени, а висината и бојата се менуваат за да се создаде простор со интонација.

Бидејќи кабините се наредени неправилно по длабочина на основата, децата можат да го најдат своето омилено место со истражување, што развива независност. Бањата и библиотеката се поставени во круг и имаат облик на кабина. Делумно затворените простори на светол отворен простор, прават децата да се чувствуваат удобно и стануваат места каде децата сакаат да одат.

Со користење на чемпреси, локалното дрво, градинката е проектирана да ги натера децата да се чувствуваат приврзани за заедницата, а истовремено да ги користат локалните карактеристики на областа.