Германија: Донесете стар дизелаш и ќе добиете 7000 евра попуст на нов Опел

Од почетокот на октомври годинава, во насока на намалување на загадувањето на воздухот, германската влада им нуди на сопствениците на постари дизел возила две опции: замена на стариот автомобил за нов, или вградување на хардвер за контрола на емисијата на штетни гасови. Програмата „старо за ново“ има подршка и од автомобилската индустрија, а последен меѓу производителите кои одлучија на своите купувачи да и ја намалат цената за ново возило доколку го довезат своето претходно возило е Опел. Имено, сопствениците на автомобили од било кој бренд со ниски емисиони стандарди од Euro 1 дo Euro 4, можат да купат нов Опел со бонус кој оди и до 7000 евра.  Условот е нивното претходно возило да биде повлечено од натамошна употреба и уништено. Право на бонус може да остварат и оние кои возат автомобили со стандард Euro 5, а живеат во германските области за високо загадување како Минхен, Штутгарт, Келн и Хамбург. Слични акции на своите клиенти веќе им понудиле и Volkswagen, Audi, Seat, Porsche, Renault и Mercedes.