Насловна / Архитектура / Фронт 21/42: За Охрид листата на загрозено наследство е единствен спас?!

Фронт 21/42: За Охрид листата на загрозено наследство е единствен спас?!

“Деновиве се одвива, за нас пресудната, 43 сесија на Комитетот за Светско Наследство во Баку, Азербејџан. По повеќе децении континуирано уништување (практично од осамостојувањето до денес) на агендата е разгледување на потребата нашето единствено светско природно и културно наследство да биде прогласено за светско наследство во опасност. Ова, според нас, е негова единствена шанса за опстанок“, велат од еколошкото здружение „Фронт 21/42“ од Охрид .

Оттаму додаваат дека во медиумите и социјалните мрежи деновиве кружат ставови и анализи кои се базираат на неразбирање на она што ќе се разгледува во Баку и можните последици.

“Ставањето на Охрид на листата на светски наследства во опасност не значи тргање на заштитата на УНЕСКО – напротив, значи зајакнување на заштитата. Токму ова е неопходно за да се стопира трендот на деструкција и создадат услови за враќање на поволна состојба на вредностит“, посочуваат од Фронт 21/42.

slika Ohrid

Во продолжение го пренесуваме остатокот од ставот кој го упати ова еколошко здружение:

Одење на листата не значи губење на статусот, значи дека советодавните експертски тела на УНЕСКО (врвни светски експерти за природа и културно наследство) директно ќе се вклучат во изработка на Посакувана состојба и сет на корективни мерки. Постојат многу примери во светот каде ваквиот потег донел спектакуларни резултати и во речиси безнадежни случаи целосно се вратени Исклучителните Универзални Вредности.

Во оваа смисла, најпатриотскиот чин кој нашата делегација може (и ако сака да го зачува најголемото природно и културно богатство – мора) да го направи во Баку, е да побара Охрид да отиде на листата на светски наследства во опасност и помош од експертите од УНЕСКО.

За жал, по се што сведочевме од 2017-та наваму наивно е да очекуваме дека ова ќе се случи, односно дека личните и партиските интереси ќе бидат ставени зад интересите на државата и на сите следни генерации. Останува да се надеваме дека светот ќе биде позагрижен за уникатното богатство на Охридскиот регион и ќе ја зголеми неговата заштита со тоа што ќе го прогласи за наследство во опасност.

Еден коментар

  1. Целе од Варош

    Ам` шо лесно јет. Сите 500 дивоградби да се легализирет за четврт евро од квадрат рушвет, и ај соз здравје. Нема да останит ниедна и па` ќе си бидиме УНЕСКОСМ на северџан македонистан. Шо веглеам чудни. Како не витекна досе`.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top