Фасцинацијата на Yayoi Kusama од природата е клучна за да се разбере нејзината уметност

Yayoi Kusama (1929) е јапонска ликовна уметница и писателка. Во текот на кариерата, работела низ различни медиуми, како што се сликарство, колаж, скулптура, перформанс и инсталации; а сите тие го изразуваат нејзиниот интерес за психоделични бои, повторувања и матрици.

Таа се смета за претходник на поп-артот, минимализмот и феминистичкото уметничко движење и влијаела врз современиците како што се Andy Warhol и Claes Oldenburg. Иако во голема мера била заборавен по напуштањето на њујоршката уметничка сцена во раните 1970-ти, Kusama денес се смета за еден од најважните живи уметници од Јапонија и важна фигура во уметничката авангарда.

Лалиња, 1986 – Whitestone Gallery

Легендарната уметница и денес е глобална сензација. Таа го отвори патот за минимализам, поп-арт, перформанс уметност и извонредни уметнички инсталации. А нејзините радикални дела со тикви, цвеќиња, точки, јамки и огледала кои откопуваат идеи за самоуништување, страв и бесконечност, привлекоа огромна публика во престижни уметнички институции ширум светот.

Цвекиња, 1991- Omer Tiroche Gallery

Иако е многу напишано за популарните „Infinity Nets“ на Kusama, нејзините критички фалени„Infinity Mirror Rooms“, нејзината ментална болест, па дури и нејзиниот подем до ѕвезда, вечната фасцинација на уметницата со природата е суштински аспект на нејзината плодна кариера што често е неистражено.

Инсталација View of My Soul Blooms Forever, 2019, The New York Botanical Garden

„Kusama: Cosmic Nature “, долгоочекуваната изложба во Њујоршката ботаничка градина (NYBG), која, откако беше одложена минатата година поради Ковид-19, се отвори за јавноста на 10 април и трае до 31 октомври , претставува длабоко истражување на оваа љубовна врска.

Летни цвекиња, 1988. Courtesy of the artist and The New York Botanical Garden

Mika Yoshitake, куратор на изложбата, истакнува дека фасцинацијата на Kusama од природата потекнува од нејзиното раното детство. Растејќи, таа поминувала време на ливадите и оранжериите на голем расадник за семиња на нејзиното семејство во планините на префектурата Нагано во централна Јапонија. Како што се сеќава и самата уметница во нејзината автобиографија Infinity Net (2003), таа има многу спомени од нурнување во свет полн со растенија и цвеќиња, кои често оживуваат и зборуваат со неа.

Портрет на семејството Kusama, 1929

Kusama почнала да прикажува цвеќиња од многу рана возраст, но особено, нејзините цртежи и тетратки со скици од 1945 година (од кои многу се прикажани на изложбата во NYBG) ги рефлектираат нејзините сложени набљудувања на анатомијата на растенијата и фазите на нивното растење.

Infinity Mirror Room – Phalli’s Field (Floor Show), 1965, Louisiana Museum of Modern Art

Друг значаен аспект на афинитетот на Kusama кон природата, забележува Yoshitake, е нејзиниот начин на хуманизирање на растителниот свет. Ова е особено видливо во нејзиниот третман на тиквите. Таа еднаш споделила дека првата тиква што ја сретнала како дете и зборувала „на најжив начин“ и оттогаш таа ги слави „поради нивната хумористична форма, топло чувство и човечки квалитет“.

Инсталација Dancing Pumpkin, 2020, The New York Botanical Garden

На 92 години, Yayoi Kusama се чини дека не успорува. Покрај изложбата во Њујорк, највеличествена од сите оваа година ќе биде „A Bouquet of Love I Saw in the Universe“, голема ретроспектива на седумдецениската кариера на визионерката, која, откако беше повеќепати одложувана поради пандемијата, конечно ќе биде отворена во Gropius Bau во Берлин на 23-ти април, а ќе трае до 15-ти август.