Екстремен базен на врвот од хотелот

Стаклениот панел кој се наоѓа во основата на конзолниот базен, им дава на капачите драматичен поглед на јужнотиролските Доломити. Проектот е дело на архитектонската компанија NOA.

NOA го проектирала 25 метри долгиот базен за хотелот „Hubertus“, апартманска населба за скијачи и планинари во италијанската покраина Јужен тирол. Се наоѓа во подножјето на планината Кронплац, од каде се простира прекрасен поглед на околните Доломити – планински венец кој е дел од Алпите.

Проектирана да оди 17 метри пред влезот во хотелот, оваа правоаголна конструкција е подигната 12 метри над тлото и потпрена со дебели столбови од домашен ариш кому му е отстрaнета кората.

Базенот е поставен во склоп на поголема конструкција со благо подигнати страни. Стаклениот отвор на дното има за цел да се овозможи чувство на лебдење.

Панелите од темносив камен имаат за цел да асоцираат на боите на околните планини. Ова е само еден од примерите за екстремни проекти кога се работи за базени.