Дизајнерски фотелји обложени со омилената ткаенина на сезоната

На неделата на дизајн во Милано, брендот Secolo XXI ја презентирал својата прва колекција и веднаш постигнал голем успех. Се работи за многу необични, но атрактивни, кадифени фотелји кои изгледаат како табуретки, но имаат специфичен потпирач за грб.

Нивната прва колекција е наречена Giardino Botanico, бидејќи со нивната естетика евоцираат на растенијата, додека самите фотелји доаѓаат во пет елегантни нијанси.

Дизајнерите изјавиле дека инспирацијата ја добиваат од природата која нè опкружува, и како таква ја прифатиле и имплементирале во својата работа. Инаку, овој релативно нов бренд е основан од лондонски трио, кој инаку функционира како студио Artefatto.