Црна Гора воспостави стратешко партнерство со француската EdF

Црна Гора започна стратешко партнерство со француската државна енергетска компанија EdF, а можна е заедничка изградба на две хидроцентрали.  Од владата нa Црна Гора велат дека некои од планираните проекти ќе се реализираат до 2032 година, и дека оваа компанија е избрана поради своето извонредно техничко знаење и технологија. Инаку EdF има богато портфолио, особено во областа на хидроенергијата и нуклеарките.

Се истакнува дека во сите заеднички проекти, EdF ќе биде малцински партнер. Француската компанија е заинтересирана за долгорочна соработка со државната енергетска компанија на Црна Гора.