Биеналето на млади уметници се отвора утре во „Мала станица“

Музејот на современата уметност ќе го отвора XI Биенале на млади уметници, во изложбениот простор на „Мала станица“, утре во 20 часот.
Годинава Биеналето е без водечка тема, со апстракт прилагоден на неговиот меѓународен карактер.
„Без наметнување на кураторски концепт, целта е да се претстави објективната слика концентрирана врз ликовната сцена на младите автори во изминатите две години. Учество ќе земат 14 македонски уметници и седум уметници гости од странство (Хрватска, Србија, Грција, Белорусија, Грузија, Германија, Босна и Херцеговина), пред сѐ, млади уметници кои ќе се изразат во различни медиуми“, соопшти Музејот на современата уметност.
За домашните автори селекцијата е направена преку соработка со професорите на Факултетот за ликовни уметности – Скопје со увид во досегашното творештво и изложбите на младите автори во Македонија. Додека младите автори од Регионот се селектирани во соработка со реномирани индивидуалци и сродни институции од соседните држави и пошироко.