Порта3 – градежништво, архитектура и екологија Порта3 – градежништво, архитектура и екологија
Градот Белград објави јавен повик за поднесување на конечни понуди за санација на депонијата за комунален отпад во Винча, откако во претквалификацијата минаа пет компании. Се работи за јавно-приватно партнерство, а проектот опфаќа санација и завторање на постоечките депонии, искористување на депонискиот гас за производство на енергија, третман на отпадните води, изградба на постројка за спалување на комуналниот отпад и производство на електрична и топлинска енергија, како и рециклирање на градежен отпад.
Проценетата вредност на работите според белградскиот градоначалник е 300 милиони евра. Со изградбата на постројката за спалување на отпад, депонијата „Винча“ која има капацитет за складирање на отпадот за наредните 20 години, ќе може да го продолжи векот на експлоатација. Од градската администрација уверуваат дека постројката ќе има најсовремена технологија и ќе биде во согласност со највисоките еколошки стандарди на Европската Унија.
