AW_Chair на Tonelli – столица со карактер

Tonelli Design, иконичен бренд специјализиран за висококвалитетен мебел, ја претставува практичната и разновидна AW_Chair.

Потпишана од познатиот дизајнер Масимо Кастање и изработена од цврсто дрво, оваа столица е резултат на внимателна рачна изработка и употреба на машини од новата генерација. Како и секогаш кај брендот Tonelli, вниманието на деталите е клучно; од металните акценти на потпирачот за грб до посебниот облик на ногарките, кои додаваат повеќе цврстина и отпор, па се до комбинации на ексклузивни ткаенини, секој дел придонесува оваа столица да стане префинет и карактеристичен елемент.

Ова софистицирано и префинето парче мебел во понудата има голем избор на тапацир во четири различни категории, од кои сите се квалитетни и направени во Италија. Од модерни bouclé ткаенини, преку текстурирани варијанти, до нежни пастелни бои, можат да се комбинираат со различни завршни дрвени обработки за да ги задоволат сите барања.

Технички детали

Столицата е изработен аод цврсто дрво јасен со ногарки со кружен пресек и рамка со попречни пречки. Достапна е во изданија од сибирски јасен, еукалиптус, природна дабова завршна обработка и црно лакирано дрво со отворени пори. Обликуваното и преслечено седиште, прекриено е со ткаенина. Потпирачот за грб е од обликувано дрво и прекриен со ткаенина со шиење во форма на јаже по должината на работ за да се види дрвото на задната страна. Спојот помеѓу потпирачот за грб и рамката е изработен од брусен метал.

Дизајнер

Уметничкиот директор на Tonelli Design од 2019 година, архитектот Масимо Кастања е име кое не  треба посебено да се претставува. Роден на 13. ноември 1957. година, дипломирал архитектура во 1984. година во Милано, а својата професионална кариера ја започнал во 1986. година со основање на студиото AD architettura. Имал многу професионални искуства во областа на архитектурата: станбени згради, хотели, ентериери, уметничко водење и дизајн во секторот за мебел, консалтинг, планирање и уметничко водење на продавници за мебел. За Tonelli Design, создаде неколку колекции воведувајќи го концептот на „Новиот модернизам“ и потпиша многу од најновите новитети на овој бренд.