Авион на соларен погон тргна на пат околу светот

Швајцарскиот авион „Солар импулс 2“, кој се движи само на соларен погон, тргна изутринава од Абу Даби на патување околу светот без ниту капка гориво.

Авионот со швајцарски пилот полета изутринава од аеродромот Ал Батин во Абу Даби во правец на Оман, каде се очекува кон крајот на денот.

Патот од 35.000 километри ќе се одвива во 12 етапи и ќе трае пет месеци.

Тоа е првиот авион на соларен погон, кој ќе се обиде да ја обиколи Земјата.