„Архитектоника“ со нов проект во рамките на „Скопје 2014“ – „барокна“ зграда на Општина Гази Баба

Спроти хотелот „Континентал“ ќе никне нова „барокна“ зграда од проектот „Скопје 2014“. Се работи за новата зграда на администрацијата на Општина Гази Баба, со максимална предвидена висина од приземје и 15 ката. Проектот  ќе се реализира врз основа на идејното решение на бирото „Архитектоника“ од Скопје на авторот Жарко Чаушевски. Општина Гази Баба на 6 декември годинава го склучила договорот за изработка на основниот проект за изведба на административниот објект. Според податоците од Бирото за јавни набавки, договорот е склучен во времетраење од 12 месеци и е со вредност од 2.193.915 денари.