Ќе се реставрира куќата на Калеш Анѓа

Куќата на познатата Калеш Анѓа, чија судбина беше раскажана во истоимениот роман на Стале Попов, ќе се рестварира, најави Лазар Котевски, градоначалникот на општина Новаци.

Оваа куќа денес се наоѓа во селото Старавина, Мариово, и сведочи за Анѓа која никогаш не се откажала од својата вера и била против потурчувањето.
Куќата е ѕидана од камен и бела земја автентична за овој крај, вели Котвески.

Овој проект се реализира со финансиска поддршка од ИПА програмата на ЕУ. Предвидено е да се санира кровната конструкција, меѓукатниот простор и ѕидовите. Куќата е пример за градителство од камен карактеристично за регионот Мариово.