Порта3 – градежништво, архитектура и екологија Порта3 – градежништво, архитектура и екологија
Во Струмица пред кратко време се отвори кафе-бар „Сцена 112“, кој е уникатен по својот изглед и програма во градот и нуди едно поинакво просторно искуство.
Ентериерот е во стилот на индустрискиот дизајн, меѓутоа со пријателска топлина и амбиент на вашето маалско кафуле.
Кафе-барот „Сцена 112“ се наоѓа на околу 200 метри оддалечен од главниот плоштад во Струмица, на улицата каде се наоѓаше стариот градски театар.
Сместен во истите подрумски простории каде пред повеќе време постоеше еден од првите кафе-барови во градот, на простор од 100 м2, „Сцена 112“ ја продолжува традицијата на место за дружење.
Ентериерот има иновативен карактер и архитектонска естетика.
Стилот на елементите е сместен некаде меѓу индустрискиот дизајн и ретро стилот на 60-тите години на минатиот век. Деталите произлегуваат од идејата на ре-дизајн и ре-употреба на секојдневни предмети за естетски цели и се поставени да функционираат заедно.
Палетата на материјали е спој на противречности: се состои од железото и бетонот како ладни, и дрвото како топол материјал.
Вкупниот впечаток е еден топол и пријателски ентериер, кој го задоволува вкусот на љубителите на џез културата.
Анита Михајлова
