Oбјавени седум финалисти за Mies van der Rohe Award 2026

Европската комисија и Фондацијата Мис ван дер Рое ги открија седумте финалисти кои ќе се EUmies Awards 2026

Жирито ги разгледува седумте финалисти на EUmies 2026 како примери на придонеси за иднината на европската архитектура. Тие покажуваат како архитектурата може да одговори на локалните услови и пошироките општествени предизвици, создавајќи инклузивни, висококвалитетни средини за живеење, учење и дружење.

Овие дела ја балансираат иновацијата со чувствителноста кон контекстот. Некои ги трансформираат занемарените области – индустриски зони, мали села или периферни четврти – додека други суптилно интервенираат во поголемите градови. Во секој случај, архитектите се водени од длабоко разбирање на општествените, културните и еколошките сили што го обликуваат современиот живот.

Она што ги обединува е фокусот на човечката димензија: архитектура што го подобрува секојдневниот живот. Ригорозни, а сепак разиграни, експериментални, но приземјени, овие проекти ја демонстрираат трајната вредност на промисленото проектирање во Европа што се соочува со политички, еколошки и општествени предизвици.

Изборот на финалистите следи по објавувањето на 410 номинирани дела во ноември и потесниот список од 40 проекти објавен на почетокот на јануари. Од седумте финалисти, пет се избрани во категоријата Архитектура, а два во категоријата Во настанување. Претседател на жирито е Смиљан Радиќ.

Победниците ќе бидат објавени на 16 април 2026 година за време на настан во Алто Сило во Оулу, Европската престолнина на културата 2026 година. Деновите на доделување на наградите EUmies, вклучувајќи ја церемонијата на доделување, изложби, предавања и дебати, ќе се одржат во мај 2026 година во Барселона во Mies van der Rohe Pavilion и Palau Victòria Eugènia, во контекст на Барселона – Светска престолнина на архитектурата на УНЕСКО-UIA. Натанот ќе го следат јавни програми и водени посети на проектите во потесниот избор како дел од иницијативата EUmies Awards Out&About.

СЕДУМТЕ ПРОЕКТИ ВО ФИНАЛНИОТ ИЗБОР

АРХИТЕКТУРА

1. Изложбена палата Charleroi, Белгија | AgwA, Brussels + architecten jan de vylder inge vinck, Ghent

2. Рехабилитација Vapor Cortès – Prodis 1923, Terrasa, Шпанија | H ARQUITECTES

3. Lot 8, LUMA – Реновирање електричарска работилница, Арл, Франција / Atelier Luma, BC architects & studies + ASSEMBLE

4. Спортски и културен центар Josephine Baker – Marie-Jose Perec, Франција / onze04

5. Пазар Груж во Дубровник, Хрватска/ ARP /

ВО НАСТАНУВАЊЕ

7. Мултисервисен културен центар Le Foirail, Франција | Betillon & Freyermuth* + Crypto Architectes

7. Привремени простори за драмата на Словенечкиот народен театар, Љубљана, Словенија | Vidic Grohar Arhitekti