Милијарди евра од Светска банка за Турција за инвестиции во обновливи извори на енергија

Со цел да се овозможи интеграција на зголемените капацитети во обновливи извори на енергија, во националната преносна мрежа на Турција, Светска банка и одобри на оваа земја финансиски пакет за проектот „Трансформација на системот за пренос на електрична енергија“ (TPTS). Пакетот вклучува заем од 625 милиони евра, како и мал дел неповратни средства.

TPTS ќе и овозможи на Турција модернизација и проширување на преносната мрежа, со цел прифаќање на големите капацитети во соларна енергија и енергија од ветер. Се очекува проектот да придонесе за значително намалување на емисиите на гасови со ефект на стаклена градина и да отвори многу нови работни места во секторот на обновливи извори на енергија ширум земјата. Проектот директно ја поддржува Турската стратегија за енергетска транзиција – обновлива енергија 2035 (RE 2035), која предвидува 120 GW инсталирани капацитети во ветер и сонце до 2035 година. Проектот се фокусира на три стратешки компоненти: унапредување на инфраструктурата на преносот, дигитализација на електроенергетската мрежа и техничка помош за иновации.