Вмрежување на македонски организации кои се занимаваат со урбан велосипедизам

Во последните години, урбаниот велосипедизам во Македонија добива сè поголемо внимание. Се зголемува бројот на велосипедски патеки и ленти, се нудат субвенции за велосипеди, а сè почесто се организираат настани за промоција на оваа еколошка и здрава форма на урбана мобилност.

Градоначалниците покажуваат сè поголем интерес за потребите на велосипедистите – тренд кој се очекува да продолжи и по претстојните локални избори.

За да го поддржи овој позитивен развој, Здружението за одржлив развој и заштита на животната средина „Гоу Грин“ од Скопје организира средба за вмрежување на организации, иницијативи и поединци активни во областа на урбаниот велосипедизам.

Настанот ќе се одржи на 26 јуни 2025 година (четврток), од 09:30 до 15:00 часот, во Младинскиот центар Матично, во Скопје. Целта е заедничко запознавање, размена на искуства и идеи, како и поставување основа за идна соработка и координирано делување.

Сите заинтересирани можат да се пријават или добијат дополнителни информации преку: [email protected]