Училиште во Загреб создава точки на средби

Основното училиште Ивања Река се наоѓа во контактната област на градското и приградското ткиво на Загреб. Во поранешниот природен слив на реката Сава, кој се карактеризира со чести поплави и нестабилен терен, изгледа како фатаморгана на носачот на авиони.

Училиштето е артикулирано како централно место на иницирање и консолидација на јавните објекти во населбата Ивања Река. „Во нагласено отсуство на јавни програми, го добива значењето на инфраструктурно ткиво, со што населбата Ивања Река станува  едукативно, социјално и јавно опремена“, велат проектантите Иво-Лола Петриќ, Марија Бурмас и Јакша Калајжиќ од бирото „Субмап“ .

Авторите го препознаваат потенцијалот, дека во изразеното отсуство на јавна инфраструктура и неможноста за воспоставување директен дијалог со контекстот, самото училиште станува „централно место на иницирање и консолидација на јавните содржини на населбата“ и на тој начин формира јавна пешачка зона со скалест плоштад/парк кој ја поврзува парохиската црква со спортските содржини на училиштето. Најзападната зона е мирно подрачје на училишни градини наменети само за корисниците на објектот.

Богатото испреплетување на внатрешните и надворешните содржини ја брише границата помеѓу внатре и надвор, што се должи и на „случајните“ простори создадени како технички одговор на можната опасност од поплави во областа.

„Конфигурацијата на училишната зграда свесно се спротивставува на зонирањето на парцелата со нехиерархиско уредување на содржините. Два основни принципи на организација на просторот, поставувањето, иницираат точки на потенцијални настани – Места“, велат авторите.