Граѓаните на Плоче во Хрватска против изградбата на централа на јаглен

Советодавниот референдум за изградба на термоцентралата на јаглен во градот Плоче во Хрватска е успешен, бидејќи над 90 проценти од граѓаните гласале против овој објект. Се работи за термоцентрала со моќност од 800 MW, која предизвика бројни контроверзии и негодувања во јавноста. Според неслужбените резултати од референдумот, од 8.700 гласачи излегле 60,4%, од кои 90,79% се изјасниле против.

Градоначалникот на Плоче се заблагодарил на своите сограѓани за покажаната свест, потенцирајќи дека Владата не смее да ја игнорира оваа порака. Против проектот своевремено се изјасни и Градскиот Совет на Плоче, како и жупанијата.