34 м² од Arquitectura G

Ситуиран во областа El Born, во Барселона, апартманот располага со развиена височина од 4,5 м и површина од 34 м², чии функционални содржини се организирани во две соби со делумно иста димензија, поделени меѓусебно со помош на носечки ѕид. Земајќи ја  предвид поделбата на просторот, проектот за ентериерот е поделен на два сегменти:

Првиот сегмент ја опслужува кујната со неопходните елементи, како и дополнителна мобилна работна површина која има улога на шанк, помошна кујнска маса и трпезарија.

Вториот сегмент пак, одговара на задоволување на потребите за обезбедување на поголем степен на приватност. Затоа, во овој простор програмата е фрагментирана во различни висински елевации, создавајќи градација на интимност, истовремено задржувајќи ја неопходната визуелна конекција.

Така, првата површина, која опфаќа половина од целокупниот простор, е организирана како гардеробер и работна зона. На втората елевација, во четвртина од целокупната површина е сместен креветот. Со цел расчленувањето на содржините во висина да функционира беспрекорно, неминовна е организацијата на мебелот, адаптирајќи го на различни позиции во зависност од потребите, како и за задржување на врската и непосредната релација помеѓу елевациите.

Занемарувајќи ги постоечките стандарди за живеење и дефинирање на конструкцијата, секоја зона располага со потребниот размер за употреба на елементите од ентериерот и задоволување на функционалноста на содржините.