0914 Flagship Store во модниот кварт во Сеул

Архитектонските бироа TRU и Echo ја проектирале Flagship Store 0914, повеќенаменски комерцијален простор за Simone, корејска компанија на врвни кожни торби. Simone е светска компанија за производство на луксузни чанти и истите ги прави за Burberry, Michael Kors, Coach и други врвни брендови веќе 30 години.

Врз основа на реномираниот квалитет на производството, Simone го лансирал својот прв луксузен бренд „0914“ и ја изгради 0914 Flagship Store во модниот кварт во Сеул. Објектот со површина од 2377 квадратни метри се наоѓа во близина на паркот Dosan, кој е центар на меѓународни луксузни модни брендови и ресторани, пишува ArchDaily.

Објектот е комбиниран простор за трговија, ресторани, кафе-барови и уметнички галерии.

Продавницата „0914“ настојува  да го покаже мајсторството на кожарите кое е зачувана низ нејзината долга историја. TRU и Eho го предложија концептот на „село“ во кое можат да бидат изложени модните производи, дела на занаетчии и уметници.

Објектот е проектиран по пример на село со мали куќи, но во овој случај тие се наредени по висина. Постои контраст помеѓу белиот објект и куќите од тули, кои се „издлабени“ по форма, боја и текстура за да се создаде ефект на гравура. Идејата за „обединето село“ создала екструдирани мали простори за продавници и уметнички студија.

На подземното ниво, претставен е концепт на повеќекатна плажа, како места каде занаетчиите и дизајнерите можат да претстојуваат заедно со купувачите и посетителите. Скали од тули водат до плоштадот каде е планирана писта за модни ревии. Покривот е замислен како заеднички простор скриен во градината. Терасата на покривот се протега на две нивоа и е украсена со вода и тревни површини.