Порта3 – градежништво, архитектура и екологија Порта3 – градежништво, архитектура и екологија
Изградба на етно парк во непосредна близина на спортските терени, на патот кој води кон Кочани, планира да гради Општина Зрновци.
Станува збор за уште еден проект за заштита на културното и етнолошко богатство на овој крај, по течението на Зрновска река. Предвидено е реализацијата да заврши до почетокот на летото.
„Етно паркот, што ќе го отсликува минатото на нашиот крај, ќе содржи повеќе елементи, подзаборавени содржини и исчезнати предмети како што се фурната за печење леб, казанот за печење ракија, бунар, чеза и коњска кола, автентични за овој крај. Со ова сакаме да ја збогатиме туристичката понуда на Зрновскиот крај“, изјави градоначалникот Блаже Станков.
Според него, во туристичката понуда на Зрновци се и богатството од цркви и мананстири, кањонот на Зрновска река, како и традиционалните народни специјалитети од јадења стари и над стотина години.
