Зградите во ЕУ да обезбедат полнење за електрични автомобили до 2025?

Државите членки на ЕУ расправаат за предлози за зголемување на енергетската ефикасност. Сопствениците на електрични автомобили треба да имаат можност своите возила да ги полнат пред својата зграда, смета Европската комисија и предлага измени во директивата за енергетски перформанси на згради со кои обезбедувањето на станици за полнење на автомобилите на паркинзите пред зградите би станало обврска.

Имено, во документот што државите членки го разгледуваат,  Европската комисија предлага во сите нови станбени и нестанбени згради кои имаат над 10 паркинг места, најмалку едно место мора да биде опремено со приклучок за полнење на електрични автомобили. Предлозите на Комисјата наидоа на различен одзив кај државите членки, при што некои, вклучувајќи ја и Хрватска, укажаа дека е неопходно да се земе предвид различната економска состојба на секоја членка и можните влијанија врз домаќинствата и градежниот сектор.