Венеција – каналите скоро пресушени, а гондолите насукани (видео)

Два месеца поминаа од обилните дождови и високиот водостој кои ја погодија Венеција. Сега, каналите по кои возат гондолите се скоро пресушени.

Поради драстичниот пад на нивото на водата во Венеција, гондолите се скоро насукани, каналите личат на калливи ровови, а саобраќајот е пореметен.

Венеција во ноември 2019. година се соочи со најголем водостој во последниот половина век, а експертите ова го сметаат за директна последица на климатските промени.

Еден од симболите на градот, Плоштадот Свети Марко, беше потполно полавен, водата навлезе и во Дуждевата палата, а многу трговци беа приморани да ги затворат своите дуќани. Повеќе од третина од градот беше под вода, а штета е проценета на повеќе од милијарда евра.