Насловна / Вести / 51 година од катастрофалниот земјотрес во Скопје

51 година од катастрофалниот земјотрес во Скопје

Album 1_Page_03 copy

Скопје утре со повеќе активности и манифестации ќе одбележи 51 година од катастрофалниот земјотрес во 1963 година во кој 1.070 луѓе го загубија животот, а 3.000 беа повредени.
Одбележувањето ќе почне во 10 часот со положување цвеќе на Градските гробишта во Бутел, пред Споменикот на загинатите во земјотресот. Традиционалната крводарителска акција на Црвениот крст на Град Скопје ќе се одржува од 10 до 18 часот во Дневниот центар за дарување крв на Црвениот крст на Град Скопје во ДХО „Даре Џамбаз“.

Album 1_Page_04 copy
Во Музејот на Град Скопје ќе се одржат повеќе манифестации. Поетесите ќе имаат литературно читање за својот град, кое ќе почне во 19 часот. Скопскиот градоначалник Коце Трајановски ќе ја отвори изложбата „Скопје ’63-филмска хроника на едно време“, предвидена во 20.30 часот. Потоа ќе има проекција на документарниот филм „Скопје ’63“ на режисерот Вељко Булајиќ.
Катастрофалниот земјотрес во Скопје се случи на 26 јули 1963 година во пет часот и 17 минути, а помали потреси имаше до пет часот и 43 минути. Беа урнати 15.800 станови, а оштетени 28.000. Над 200.000 луѓе остана без покрив над глава.
Во својата долга историја, градот повеќе пати пропаѓал и одново се раѓал. На просторот меѓу селата Злокуќани и Бардовци постоел град Скупи. Овој римски град во 518 год. бил наполно разурнат од земјотрес чија јачина изнесувала 10-11 степени. Скопје потоа бил изграден на денешното место. И новиот град не бил поштеден од сеизмички појави. Наредниот катастрофален земјотрес се случил во 1555 година. Неговата јачина изнесувала околу 10 степени, по што градот вторпат бил разурнат.
Последното трето големо катастрофално разурнување на Скопје се случи пред 51 годинa, на 26 јули 1963 година, кога Скопје беше погодено од земјотрес со јачина од девет степени по Меркалиевата скала или шест според Рихтеровата со епицентар на плоштадот „Македонија“.

Album 1_Page_05 copy Album 1_Page_07 copy Album 1_Page_08 copy Album 1_Page_09 copy Album 1_Page_10 copy Album 1_Page_11 copy Album 1_Page_12 copy Album 1_Page_13 copy Album 1_Page_14 copy Album 1_Page_15 copy Album 1_Page_16 copy Album 1_Page_17 copy Album 1_Page_19 copy Album 1_Page_20 copy Album 1_Page_21 copy 5 Album 1_Page_22 copy 33 Album 1_Page_23 copy 2 Album 1_Page_24 copy 2 Album 1_Page_25 copy Album 1_Page_26 copy Album 1_Page_27 copy Album 1_Page_28 copy Album 1_Page_29 copy 3 Album 1_Page_30 copy Album 1_Page_31 copy Album 1_Page_32 copy Album 1_Page_33 copy Album 1_Page_34 copy Album 1_Page_35 copy Album 1_Page_36 copy Album 1_Page_37 copy 2 Album 1_Page_38 copy Album 1_Page_39 copy Album 1_Page_40 copy Album 1_Page_41 copy Album 2_Page_1 copy Album 2_Page_2 copy Народна универзитетска библиотека која веке не постои

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top