Урбани соби кои обединуваат

Идејата за нов развој на плоштадот Targ Weglowy произлегла откако исчезнала функцијата на паркинг од историскиот плоштад, и веќе ништо немало на тоа место. Просторот што е ослободен од возила дава можност за ново организирано јавно место, кое недостасувало во главниот град Gdańsk. Градскиот културен институт во соработка со групата GDYBY, предлагаат привремено место во форма на урбани соби на трева, како еден начин на организирање на простор кој иницира различни дејствувања.

Формата на дизајнот е резултат на неговиот привремен карактер и релативно малиот буџет, но и од потребата за неутрално вклопување во историското опкружување. Основната идеја била да ги вовлече жителите во некој вид на игра во која ќе учествуваат со самото пристапување на плоштадот. Групата GDYBY дизајнирала модулатор на светлина направен од OSB во форма на кутии. Корисниците имаат можност да создадат свое место во кое се чувсвуваат удобно. Децата го креираат нивното совршено игралиште и геометриски композиции, додека возрасните користат коцки маси и седишта. Целиот аранжман е завршен со тревни површини кои создаваат соби и ги обединуваат луѓето околу нив. Со оваа интервенција плоштадот станал попријатен со оглед на неговите големи димензии. Тука граѓаните можат да доручкуваат заедно, да уживаат во читање, да играат, да се опуштат на каков било начин, а навечер можат да гледаат филм.

Суштината на проектот е многу прогресивен, со принцип на вклучување на јавноста. Жителите на градот го приспособуваат и присвојуваат просторот според своите потреби, што е и едно од главните својства на еден плоштад.