Порта3 – градежништво, архитектура и екологија Порта3 – градежништво, архитектура и екологија
Студентите од Технолошкиот факултет Чалмерс (Chalmers University of Technology) од Шведска, го претставија своето видување на куќа за студенти (проектирана токму од студенти). Се работи за пасивна куќа која користи соларна енергија, а минатата година е претставена како проект на овој универзитет за Соларниот декатлон во Кина.
Името го добила според оптичкиот феномен околу сонцето кој потсетува на виножито. Ентериерот е направен од локално произведено дрво од Скандинавија. Покривот има округла форма и е направен од силициумски монокристални фотоволтаични ќелии, монтирани преку водоотпорна поликарбонатна мембрана. Со овој проект, тимот од 25 млади стручњаци го зазеде третото место на споменатиот натпревар во Кина.
