Насловна / Вести / Скопје да се шири само во нови општини

Скопје да се шири само во нови општини

Иако Редакција „Порта 3“ не објавува политички соопштенија, сепак идејата на Либералната партија е нешто што заслужува внимание и затоа го поддржуваме со тоа што ќе се најде и на нашиот портал.

Од Либералната партија бараат да се направат измени во Законот за градење со кои Скопје ќе може да се шири само во ново-проектирани општини, а во постоечките општини да се прогласи мораториум за градење.

“По најавата на Министерството за транспорт и врски дека се подготвува нов Закон за градење, бараме новото законско решение да дозволува мораториум за градба во постоечките општини на градот Скопје, поради пренаселеност и сообраќаен колапс што влијае на здравјето и квалитетот на животот на граѓаните. Да се донесат измени со кои градот Скопје единствено ќе може да се шири во ново-проектирани општини (нови населби, нови станбени објекти) на запад, север и исток“, велат од Либерална партија.

Панорама_на_Скопје

Оттаму апелираат до градоначалниците на општините да не бараат алиби во пристапот дека од продажба на земјиште и комуналии се полнел буџетот.

“Од што ќе се полнат буџетите кога ќе се бетонираат последните зелени површини? Водењето општина подразбира грижа за потребите на граѓаните, и унапредување на квалитетот на животот, а не одлуки во интерес на градежната мафија“, нагласуваат од оваа партија.

KIR_0015

Тие бараат Законот за градење да ја регулира областа на градежништвото по примерот на Република Србија.

“Србија е прва во регионот која почна на системски начин да го решава проблемот на пласирање „валкани пари“ во овој сектор, како еден од потенцијално ризичните за перење пари“, нагласуваат либералите.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top