Сите фази во производството на еден „боинг“

Авиокомпанијата „Бритиш ервејз“ објави видео снимка во која се прикажува процесот на изработка на еден авион, односно сите фази од неговото производство се до моментот кога леталото конечно е во функција. Во четиминутната снимка, https://www.youtube.com/watch?v=SJZk9vNS8NE, стручњаците го составуваат новиот „боинг 787-9 дримлајнер“ кој треба да почне да лета овој месеца од лондонскиот аеродром „Хитроу“.Авионот со  два „ролс ројс трент 1000“ мотори предвидено е да прими 216 патници распоредени во  четири класи и ќе биде користен за летови до Абу Даби, Њу Делхи, Куала Лумпур и Остин во Тексас.

„Дримлајнер“ е испорачан на  компанијата „Бритиш ервејз“ на крајот на септември по сложениот процес на изработка и тестирање во огромната фабрика на „Боинг“ во Сиетл, САД.

Како што и претходно пишувавме на нашиот портал, новиот „Боинг 787-9 дримлајнер“ е шест метри подолг и 10 сантиметри повисок од претходниот модел. Исто така, тој работи со пониско ниво на бучава и може да складира  20% повеќе гориво.