Шарена рапсодија за весел дом

Календарски сè уште сме во зима, но веќе полека сите сме желни за пролет, за топли и поведри денови. Инспирирана од сето ова, ИКЕА ни го даде првиот увид во своите нови парчиња мебел, кој ќе биде лансиран премиерно во февруари. Се работи за естетски заиграни, весели, но едноставни и ценовно прифатливи елементи кои лесно ќе се вклопат во секој модерен ентериер.

Она што е заедничко за сите нив е силниот и акцентиран колорит, хармонично спакуван во едноставен, минималистички и препознатлив дизајн на ИКЕА. Па, ако сте одлучиле да внесете малку боја во вашиот простор, почекајте го февруари бидејќи ИКЕА ни го носи токму тоа, шарена рапсодија за весел дом што секој може да си ја дозволи.